الاستثمار الذكي يبدأ من الأرض… وينتهي
في ظل التغيرات الاقتصادية المتسارعة، أصبح الاستثمار العقاري واحداً من أهم وأأمن مجالات الاستثمار في مصر. وكان لنا هذا الحوار مع كابتن أحمد غلاب، ضابط البحرية ، ورئيس مجلس إدارة شركة ال (غلّاب) للاستثمار العقاري، وصاحب خبرة طويلة في مجال الاستثمار وبيع وتقسيم الأراضي.
الصحفي: في البداية، نحب نعرّف القارئ بحضرتك وبطبيعة شغلك.
أحمد غلاب: أهلاً بحضرتك. أنا أحمد غلاب، ضابط بحري ، وبجانب عملي الرسمي أنا شغال من سنين في مجال الاستثمار العقاري، ومؤسس ورئيس مجلس إدارة شركة ال (غلّاب) للاستثمار العقاري، ومتخصصين في بيع وتقسيم الأراضي، خصوصاً في مناطق واعدة داخل محافظة أسيوط .
الصحفي: ليه حضرتك اخترت الاستثمار العقاري تحديداً؟
أحمد غلاب: لأن الاستثمار العقاري هو أأمن وعاء ادخاري في مصر. المال ممكن يتأثر بالتضخم، وممكن قيمة الجنيه تقل، لكن الأرض والعقار عمرهم ما بيخسروا، بالعكس… قيمتهم دايماً في زيادة. الأرض تحديداً هي أصل ثابت، ما بيتهلكش، وما بيحتاجش مصاريف صيانة، وقيمتها بتزيد مع الوقت.
الصحفي: من وجهة نظرك، إيه فوائد الاستثمار بصفة عامة؟
أحمد غلاب: الاستثمار ليه فوائد كبيرة جداً:
أولاً: بيحافظ على قيمة الفلوس وبيحميها من التضخم.
ثانياً: بيحوّل المدخرات لأصول حقيقية.
ثالثاً: بيخلق دخل إضافي أو ربح مستقبلي.
رابعاً: بيدي للإنسان إحساس بالأمان والاستقرار.
الصحفي: طيب إيه أسرار النجاح في الاستثمار؟
أحمد غلاب: أهم 3 أسرار في رأيي:
١- اختيار المكان الصح.
٢- الصبر وعدم الاستعجال في الربح.
٣- الشراء في الوقت المناسب.
اللي بيستثمر وهو صبور، دايماً بيكسب.
الصحفي: خلينا ندخل في السؤال اللي ناس كتير بتسأله: أنهي أفضل للاستثمار… الأرض ولا الشقة؟
أحمد غلاب (بحسم): بدون تردد: الأرض أفضل من الشقة للاستثمار.
الصحفي: ليه؟
١- الأرض ما بتهلكش، لكن الشقة مع الوقت بتحتاج صيانة وتجديد.
٢- الأرض ما لهاش مصاريف (لا صيانة، لا اتحاد ملاك، لا مشاكل مستأجرين).
٣- الأرض قيمتها بتزيد أسرع، خصوصاً لو في منطقة في توسع عمراني.
٤- الشقة مربوطة بسوق الإيجارات، إنما الأرض مربوطة بالتنمية والنمو العمراني، وده بيضاعف قيمتها أضعاف.
الصحفي: يعني تنصح الناس تستثمر في الأراضي أكتر؟
أحمد غلاب: طبعاً، خصوصاً الناس اللي عايزة استثمار آمن وطويل المدى. اللي اشترى أرض من 5 أو 10 سنين، النهارده بيبيعها بأضعاف ثمنها.
الصحفي: طيب إيه دور شركة ال (غلّاب) للاستثمار العقاري في الموضوع ده؟
أحمد غلاب: إحنا دورنا نوفّر أراضي مضمونة، موثقة، في أماكن واعدة، ونساعد الناس تختار القطعة المناسبة حسب ميزانيتها، ونقسم الأراضي تقسيمات مدروسة تخدم الاستثمار والسكن في نفس الوقت.
الصحفي: كلمة أخيرة تحب توجهها للناس؟
أحمد غلاب: أحب أقول لكل واحد معاه فلوس وبيفكر يستثمر:
“لو عايز استثمار ينام ويصحى يكسب… حط فلوسك في الأرض.”
الأرض عمرها ما خذلت حد، واللي يشتري صح النهارده، بكرة يشكر نفسه.
