طول الوقت كنت بحاول اتعلم واخدت كورسات في حاجات كتير في التسويق والفوتوشوب وفي الصحه النفسيه واخيرا لاقيت نفسي في ان زمان كنت بحب اوي اقول الاذاعه المدرسيه وان كنت بحب اكتب ورجعت للقلم والورقه واكتب وحبيت ان اتعلم اكتر فأخدت كورسات في التعليق الصوتي والدوبلاج ودخلت في كذا ورشه ولغاية دلوقتي بحب اتعلم اكتر
والحمدلله عملت اول خطوه برنامج اذاعي اختارت اسمه بين اربع حيطان بيتكلم عن المشاكل اللي بتواجهنا وازاي نساعد بعض اننا نتخطاها ونفتح باب جديد لحياتنا
وطبعا عشان بحب العب بالاصوات عملت اسكتشات صغيره كوميديه سميتها جيل الطبليه مع جيل الواي فاي ودي بتكون مواقف يوميه بين جيلين مختلفين بتكون خفيفه ومرحه
وعشان بحب الاطفال بكتب حواديت للاطفال وبقولها بشكل لطيف مع الصور عشان تجذب الاطفال وبركز في الحدوته ان يكون فيها فكره وأسس تربويه
كل الحلقات بتتنشر على صفحة الفيس بوك
