ياسمين سامح.. نموذج للمدرسه اللي بتحب مهنتها وبتؤمن برسالتها
في وسط زحمة الحياة وضغط الشغل، لسه في ناس بتحب شغلها بجد، وبتشتغل من قلبها علشان تسيب بصمة حقيقية. ومن الناس دي، "ياسمين سامح"، مدرسه شاطرة ومجتهدة ومتخرجه بتقدير امتياز و قدرت تثبت نفسها وسط الكبار، وده من خلال أسلوبها المميز في التدريس لماده Science وطريقتها القريبة من الطلبة.
ياسمين مش بس بتشرح، دي بتعيش مع الطلبة، بتحاول توصّل المعلومة بأبسط الطرق، وبتخلي الفصل مكان آمن ومريح للطلبة يعبروا فيه عن نفسهم ويتعلموا من غير خوف.
اللي يميّز ياسمين إنها دايمًا بتطور من نفسها، بتحضر كورسات، وبتتابع كل جديد في مجال التعليم، علشان تقدر توصل لطلبتها بأحسن شكل. وده خلاها تكون محبوبة جدًا من الطلبة وأهاليهم كمان.
حلم ياسمين إنها تكمّل في سكة التعليم، وتكون يوم من الأيام مؤثرة على نطاق أكبر، سواء من خلال تدريب المدرسين الجدد أو تطوير مناهج تساعد الطلبة يفهموا ويحسّوا بالمادة.
"أنا مؤمنة إن التعليم مش شغلانة وخلاص، دي رسالة، ولو كل مدرس أدّاها بإخلاص، هنغيّر أجيال كاملة" – كده قالت ياسمين، واللي بنتمنا لها كل التوفيق في مشوارها.
ولو عايز تتواصل مع ميس ياسمين دي صفحه الرسميه بتاعها
